21 ივნისს, იუსტიციის უმაღლეს სკოლაში თბილისის და ქუთაისის სააპელაციო სასამართლოს მოსამართლეთათვის გაიმართა სემინარი - „ადამიანის უფლებათა ევროპული სასამართლოს მიერ მიღებული გადაწყვეტილების/განჩინების საფუძველზე საქმეთა გადასინჯვის შესახებ.“ მისასალმებელი სიტყვით წარდგნენ ქ-ნი კატერინა ბოლონეზე - ევროპის საბჭოს ოფისის ხელმძღვანელი საქართველოში, ბ-ნი გიორგი ჭეხანი - იუსტიციის უმაღლესი სკოლის ადმინისტრაციის უფროსი და ქ-ნი ირენ კიცუ-მილონასი - ადამიანის უფლებათა ევროპული სასამართლოს გადაწყვეტილებების აღსრულების დეპარტამენტის სექციის ხელმძღვანელი.
სემინარი სამი ნაწილისგან შედგებოდა: ადამიანის უფლებათა ევროპული სასამართლოს მიერ მიღებული აქტები და მათი აღსრულება (ადამიანის უფლებათა ევროპული კონვენციის 46-ე მუხლი), Restitutio in Integrum და საქმეთა გადასინჯვა - მინისტრთა კომიტეტის პრაქტიკა და ახლადგამოვლენილ გარემოებათა გამო, განაჩენის გადასინჯვა საქართველოს კანონმდებლობაში.
სემინარი იუსტიციის უმაღლესი სკოლის ორგანიზებით და ევროპის საბჭოს მხარდაჭერით ჩატარდა.
