1-2 დეკემბერს, იუსტიციის უმაღლესმა სკოლამ, აშშ-ის სავაჭრო დეპარტამენტის კომერციული სამართლის განვითარების პროგრამასთან (CLDP) თანამშრომლობით მოსამართლეთათვის გამართა სემინარი თემაზე: “გადახდისუუნარობის საქმის წარმოება“.
სემინარზე ექსპერტებად მოწვეული იყვნენ: მოსამართლე, აშშ-ის გაკოტრების საკითხთა განმხილველი სასამართლოს თავმჯდომარე (ფლორიდის შუა ფედერალური ოლქი) მაიკლ ვილიამსონი და CLDP-ის ექსპერტი დეივ ქარი. ადგილობრივი კანონმდებლობისა და სასამართლო პრეცედენტების შესახებ, ღონისძიების ფარგლებში მოხსენება გააკეთა თბილისის საქალაქო სასამართლოს მოსამართლემ - ლაშა ქოჩიაშვილმა.
ღონისძიებაზე ქართველ მოსამართლეებს შესაძლებლობა მიეცათ გაეზიარათ ამერიკის შეერთებული შტატების გამოცდილება გადახდისუუნარობის საქმის წარმოების საკითხზე.
ღონისძიებაში მონაწილეობა მიიღო 14-მა მოსამართლემ: თბილისის სააპელაციო, თბილისის და რუსთავის საქალაქო, ზესტაფონისა და სიღნაღის რაიონული სასამართლოებიდან.
ტრენინგი 2017 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.