10 და 11 დეკემბერს, იუსტიციის უმაღლე სკოლაში, მოსამართლეთა თანაშემწეებისთვის გაიმართა ტრენინგი თემაზე: „სამოქალაქო საპროცესო კოდექსის აქტუალური საკითხები“.
ტრენინგზე ექსპერტებად მოწვეული იყვნენ: საქართველოს უზენაესი სასამართლოს მოსამართლე/სამოქალაქო საქმეთა პალატის წევრი პაატა ქათამაძე და სამოქალაქო სამართლის ექსპერტი; ივ. ჯავახიშვილის სახელობის თბილისის სახელმწიფო უნივერსიტეტის ასისტენტ პროფესორი დიანა ბერეკაშვილი.
ღონისძიების ფარგლებში მონაწილეებმა განიხილეს შემდეგი საკითხები: განსჯადობა; სარჩელის სახეები; სარჩელის უზრუნველყოფა; შესაგებელი; სასამართლო შეტყობინება და დაბარება; დაუსწრებელი გადაწყვეტილება და სასამართლო გადაწყვეტილება.
ღონისძიებაში მონაწილეობა მიიღო 14-მა მოსამართლის თანაშემწემ: თბილისის სააპელაციო და თბილისის საქალაქო სასამართლოებიდან.
ტრენინგი 2015 წლის მოსამართლეთა და სასამართლოს სხვა მოხელეთა გადამზადების პროგრამით იყო გათვალისწინებული.
