24-28 ივლისს, იუსტიციის უმაღლეს სკოლაში, მოსამართლეთათვის გაიმართა ორი ტრენინგი თემაზე: „არასრულწლოვანთა მართლმსაჯულება“, როგორც ადმინისტრაციული და ასევე სისხლის სამართლის მიმართულებით.
სემინარებზე ექსპერტებად მოწვეული იყვნენ: თბილისის სააპელაციო სასამართლოს მოსამართლეები: თამარ ალანია და მაია თეთრაული, ფსიქოლოგები: მაია ცირამუა და ეკატერინე თავართქილაძე.
ღონისძიების ფარგლებში მონაწილეებმა, სხვა მნიშვნელოვან საკითხებთან ერთად განიხილეს: ფსიქოლოგიური ასპექტები - ბავშვის განვითარების თავისებურებები; კანონთან კონფლიქტში მყოფ ბავშვებთან დაკავშირებული ფსიქოლოგიური ასპექტები; ბავშვის განვითარების მახასიათებლები; ბავშვზე სექსუალური ძალადობის ძირითადი საკითხები; არასრულწლოვანთა მართლმსაჯულების ზოგადი მიმოხილვა და საერთაშორისო ინსტრუმენტები; არასრულწლოვანთა მართლმსაჯულების ზოგადი სტანდარტები; არასრულწლოვანთა მართლმსაჯულების კოდექსი.
